Otrdiena,
19.marts 2024
Vārda dienas: Jāzeps, Аркадий, Федор Sazinies ar "Divu Krastu Radio"
LV
Radio raidījumi

Pošvaldeibu reforma: Voi Varakluoni atsagrīssīs Latgolā?

16.08.2019
Raidejums "Pi myusim Latgolā" rauga nūskaidruot, kaidys īspiejis ir Varakļuonu nūvodam atsagrīst Latgolā.

Laikroksta “Latgales Laiks” slejuos Varakļuonu nūvoda dūmis prīkšsādātuojs Māris Justs secinoj, ka Varakļuoni jau 60 godu dzeivoj pi Vydzemis un ar tū jau ir aproduši. "Jā, ikdienā runājam latgaliski, daudzi sevi identificē par latgaliešim, bet tas nav traucējis izveidot ciešu sadarbību ar  Madonu un Vidzemes plānošanas reģionu.” Piec juo dūmu, komer streidomēs, kurā  regionā dzeivuot, teik nūvārsta uzmaneiba nu cytu vaicuojumu.

Sovā runā 24. aprelī  Saeimā par gūdu Latgolys kongresa atcerei režisors Vīsturs Kairišs skaidri pasaceja:  "Administrativi teritorialuo reforma izsmej Latgolys kultūrtelpys jiedzīni - Varakļuonu nūvodu pīvīnojūt Vydzemei i Krustpiļs nūvodu Zemgalei."

V. Kairišs uzskota, ka Latgolys īdzeivuotuoji dreikst pīkrist tikai taidai reformai, kurā ir ītvarta garanteja latgalīšu volūdys pastuoviešonai un kultūrvidis saglobuošanai, kas ītvartu obligātu latgalīšu rokstu volūdys apgiušonu Latgolys školuos, atsagrīšonu pi viesturiskajim vītvuordim i  latgalīšu volūdys lītuošonu kultūrvidē.
  
Varakļuonu nūvoda muzeja  padūmis lūceklis  Andrejs Svilāns uzskota, ka  Varakļuonu administrativuos pīdareibys vaicuojums nav tehnisks administrativuo īdalejuma reorganizacejis, bet arī vēsturiskūs klaidu izlobuošonys i Latvejis nūvodu regionaluos identitatis vaicuojums.

Varakļuonu uzjiemiejs Āris Sparāns socialajūs teiklūs pauž vīdūkli, ka, atsarūnūt Modūnis   nūvodā, Varakļuonu ekonomiskuos aktivititatis nasavairuos,  Latgolys plānuošonys regionā dorbojās speciāluos ekonomiskuos zonys ar nūdūkļu atlaidem uzjiemiejim.

Sovukuort  sabīdriskais  darbinīks  Dainis Mjartāns uzskota, ka juoizviertej  plusi i minusi,  kū dūs voi nadūs dasavīnuošona  Modūnis voi Rēzeknis nūvodam, i atguodynoj, ka svareigi, kai Varakļuoni sevi poši nūpozicionej – voi par Vydzemis nūmali, voi kai vuortus iz Latgolu.

Jolanta Smane Dekšuoru pogostā jau savuokuse i  nūsyutejuse   ministrim i Saeimys deputatim 150 īdzeivuotuoju paraksteitu viestuli ar lyugumu  jau tagad davīnuot Varakļuonu nūvodam Dekšuoru pogostu, kai ari aicynoj Varakļuonu nūvodam byut daļai nu Latgolys, prūti, Rēzeknis nūvoda sastuovā.

Ka Varakļuonu nūvods dasavīnuos pi Modūnis nūvoda, plateibys ziņā tys byutu ūtrais  leluokais Latvejā aiz Līpuojis nūvoda. Piec uzjiemiejdarbeibā radeituos davīnuotuos vierteibys apjūma  vīn  23. vītā, bet, riekinūt davīnuotū vierteibu iz vīnu īdzeivuotuoju (2,8 tyukstūšys eiro), - 24. vītā. Jaunajā nūvoda dūmē tiks īvālāti 19 deputati nu 25 pogostu i četru pilsātu. Tys nūzeimej, ka puorstuovniecībys nu kotrys teritorialuos vīneibys, īspiejams, ari nu Varakļuonu i Murmastīnis pogostu, varātu ari nabyut.


Raidejums veiduots ar Nacionaluos elektroniskūs plošsazinis leidzekļu padūmis atbolstu


Pi myusim Latgolā: 16.08.2019
Dalies ar ziņu:
Atgriezties atpakaļ

Komentāri (0-1/1)
Dzintars 16.08.2019 15:32
Tā jau ir Latgales karte,jau sen nav tāda ,kā senāk:(
Pievienot komentāru
Jūsu vārds:
Komentārs:
Foto:
Links uz video (Youtube,Vimeo):


Lasiet vēl
Nedēļas skaitlis
Aizvadītajā gadā Daugavpilī reģistrēti 485 jaundzimušie, miris 901 iedzīvotājs un reģistrētas 459 laulības, informē Daugavpils valstspilsētas pašvaldības Dzimtsarakstu nodaļa.
Apspriest
Aptauja
Cik bieži Jūs lietojat sociālos tīklus?
Jaunākie komentāri:
Nedēļas gaitā laiks kļūs siltāks un nokrišņiem bagātāks
Lietu vajag lai sazalotu tirumi zalite un kokiem briestu pumpuri..... Sīkāk...
Izlozēti Eiropas Parlamenta vēlēšanu kandidātu sarakstu kārtas numuri
Leduspuke gan nav parazite..un divanaa bezdot algu besanem.ziemas atvalinajums ir beidzies.jasak stradat ..meteni ir aizvaditi ziema nedaudz atkapusies atsaaksas tecet sulas..saseju seklinas stadu audzesanai .siltumnicaa.izklaidei paliks laika maz.sur tur vel palasu zinas un iekomenteju..saprotu ka esmu te aizssedejusies..ir tads teiciens..labak esi par maz nekaa par daudz..es jau butu paserfojusi interneta dziles..bet man to nezin kapec nelauj..tas ir mulkigi....mami milie lotgolisi dzivojiet veseli..neslinkojiet..katrs var atrast darbinu..bet galvenais lai tas patiktu.mans jaunais sadarbibas partners ir pavasaris...attaa..lai jums jauks un gaiss pavasaris. Sīkāk...
Izlozēti Eiropas Parlamenta vēlēšanu kandidātu sarakstu kārtas numuri
Jaunus parazitus Sīkāk...
facebook draugiem
Top